1. Yemwe,
Tuyemfye bane, tuleyemfyo bwinga,
Tulesefyo bwinga bwa Mwana wa Mpanga
E shibwings wesu Mwana wa kwa Lesa,
Tulumbanye Mfumu ya kutemwe kwesu
Tutemwe bane, tusekele bonse,
Pakupela Mfumu ubu bupe bwesu.
Ilambo lya cine e mitima yesu,
Tuyemfye bane, eya tuyemfye bane.
2. Mwe mfumu
Twaleto bupe bwa kutemwa kwesu,
Mbalala ne fyumbu ne fipushi.
Amanni no bunga no lupiya.
E kutemwe kwesu kuli Tata wesu,
Twapapata Tata ifwe bana benu,
Mupokelele mulambulo wesu
Twaipela kuli mwe tuli bantu benu.
Tuyemfye bane, eya tuyemfye bane.
3. Tata,
Tulemutotela pa bumi bwesu,
pa fipatala na babomfi bonse.
Pa masukulu na bakafundisha,
Na baletuteka na bafyashi besu.
Pa fifwalo fyesu, na pa filyo fyonse.
Na pa kutufwila mwatwanshishe mfwa.
Na pa busuma bwa maluba yonse,
Tulumbanye Mfumu ni Yesu kristu.
4. Bonse,
Tutotele Mfumu pa bupe bukulu
Atumine yesu kwisa tupususha,
E ni Mfuma yesu, akateke calo,
ne mikowa yonse ikamutotela,
Pantu e mukulu washamfumu shonse,
Twatotela Tata ifwe bantu bene.
Lumbanyeni Mfumu e kabumba wesu
Mwe fibumbwa fyonse fya mu calo conse.