1. Mwe Yesu ninsumino
Kumutumikila;
Mube ‘pepi na ine
Shikulu, Cibusa.
Teti ntine fyabipa
Nga muli mupepi;
Nelyo kuluba luba
Ngo li ntugulushi.
2. Ngumfwe muli kuno ndi,
Fya calo filipo,
Namone fintwi fingi
Ne filentunkapo.
'Balwani nabo bali
Mukati na kunse;
Mwe Yesu mumpalame,
Mumbake ku fibi.
3. Ngumfwe fyo mulelanda
Ne shiwi lyawama,
Kukana umfwe fya fye,
Nelyo ifyabipa.
Soseni njishibishe,
No kuntungulula;
Soseni ngufwikishe,
Mwambako mutima.
4. Mwe Yesu mwalaile
Bonsha bamukonka;
Bakaba uko muli,
Cifulo cisuma.
Mwe Yesu nalailyo
Kutumikila pe;
Mumpele icikuku,
Mwe Shikulu nkonke.
5. Nkamone nkasa shenu,
Nyendemo ne mwine;
Nakulakonka bwino,
Mu maka yenu pe.
Ntungululwe, munjite,
Munjikatishe pe;
Elyo mumpokelele,
Ku kulu kuli ‘mwe.